تطبيق التمويل الرائد في البحرين
تنزيل التطبيق
تحكم في مصروفاتك اليوم
نظرة عامة
ما تدري وين تروح فلوسك؟ أنت مو الوحيد اللي يواجه هالمشكلة. أغلبنا عنده حسابات متعددة عشان ينظم مصروفاته، لكن بسهولة نضيع بين كل هالمصاريف.
عشان جذي صممنا تطبيق ONE عشان يجمع لك كل حساباتك في مكان واحد ويعطيك التحكم الكامل. تابع مصروفاتك من كل الحسابات واعرف وين تصرف كل دينار. حدد تنبيهاتك وخطط بذكاء، وصير الخبير في إدارة الميزانية.
ليش تنظيم الميزانية مهم؟
رؤية واضحة لأمورك المالية
تعرف على وين تروح فلوسك وتعدل مصروفاتك عشان توصل لأهدافك
توفير أفضل
لما تحدد مصاريفك، يصير التوفير للأشياء المهمة أسهل
ميزانية تناسبك
خصص ميزانية على بحسب احتياجاتك، وعدّلها بسهولة مع تغيّر أولوياتك.
التنبيهات
راح نرسل لك تنبيهات أول ما توصل 75% و 100% من ميزانيتك الشهرية عشان نساعدك تلتزم بميزانيتك.
حقق أقصى استفادة من ميزانيتك
حدد أهداف واقعية: ابدأ بميزانيات بسيطة وقابلة للتحقيق، وعدّلها تدريجيًا حسب احتياجاتك.
تابع بشكل منتظم: راقب مصروفاتك كل أسبوع لتحدد الأماكن اللي تحتاج تحسين.
استعد لأي طارئ: خصص مبلغ صغير للنفقات المفاجئة، عشان تبقى ميزانيتك متوازنة وتحت السيطرة.
الأسئلة الشائعة
هل أقدر أعدل ميزانية الفئات الخاصة بي؟
نعم، تقدر بسهولة تعدل ميزانية كل فئة من مصاريفك.
هل بستلم إشعارات إذا تخطيت الميزانية؟
أكيد، بنرسلك تنبيهات لما توصل 75% و100% من ميزانيتك عشان نساعدك تلتزم بالخطط المالية.
هل ميزة إعداد وتنظيم الميزانية متاحة مجانًا؟
نعم، إعداد الميزانية ميزة أساسية في تطبيق One بدون أي رسوم إضافية.